ICYMI: Pilipinas bilang isang ‘resilient investment destination’ – Pangulong Marcos

Photo via Presidential Communications Office

Inanyayahan ni Pangulong Ferdinand ‘Bongbong’ Marcos ang mga negosyante na mamuhunan sa Pilipinas bilang isang ‘resilient investment destination’ sa Milken Institute Roundtable sa Embahada ng Pilipinas sa Singapore noong Huwebes, Hulyo 16.

Ayon sa inilathalang Facebook post ng Presidential Communications Office (P.C.O.), binigyang-diin ng Pangulo sa kaniyang pahayag ang ‘52-million-strong workforce’ ng bansa, ang isa sa mga pinakamalaking pamilihan sa Timog-Silangang Asya,  ang programang ‘Build Better More’, at ang mga pangunahing reporma sa mga patakaran na nagpapalawak ng mga oportunidad sa pamumuhunan at nagsulong ng malayang kalakalan at renewable energy.

“The Philippines remains committed to creating a stable, competitive and investment-friendly environment,” ani Pres. Marcos. 

“Driving stronger economic partnerships across the Indo-Pacific.” 

Nakipagpulong din ang Pangulo sa mga lider ng Future Economic Cooperation Council (F.E.C.C.), isang organisasyon mula sa India na nagsusulong ng pandaigdigang kooperasyong pang-ekonomiya, sa isang meet-and-greet kasama ang mga Indo-Pacific investors noong Huwebes.

Inilahad din ni Pres. Marcos ang mga mahahalagang oportunidad para sa pamumuhunan at ang mga modernisadong finance and investment infrastructure programs, katulad ng Luzon Economic Corridor, Public-Private Partnership Code, at Green Lanes for Strategic Investments.

“As a newly designated upper middle-income country with solid macroeconomic fundamentals, the Philippines offers a secure, transparent, and stable environment for businesses to thrive,” sabi niya.

Ayon sa P.C.O. sa isang hiwalay na Facebook post: “The discussion focused on how government and business can work together to navigate a changing global economy and unlock new opportunities for the region.”

Dagdag ng opisina, itinataguyod ng mga pagpupunyaging ito ang mas pinaigting na sistema ng kalakalan at pamumuhunan sa rehiyon.

“These efforts support stronger trade and investment partnerships while helping shape a more innovative, connected, and prosperous future for the region.”

“Most productive working visit”

Sa kaniyang Post-Visit Statement na inilabas ng RTVMalacañang at P.C.O. noong gabi ng Huwebes, inilarawan ni Pres. Marcos ang kaniyang pagbisita sa Singapore bilang isang ‘most productive working visit.’

Itinala ng Pangulo ang kaniyang mga aktibidad sa naturang dalaw, katulad ng kaniyang courtesy call kay Punong Ministro at Kalihim ng Pananalapi ng Singapore na si Lawrence Wong at ang mga pagpupulong sa mga ehekutibo sa negosyo at pamumuhunan.

Ilan sa mga pinag-usapan sa courtesy call ang pagsulong ng kooperasyon sa kalakalan at pamumuhunan at ang pamamahala sa paglago at paggamit ng Artificial Intelligence (A.I.) sa mga pangunahing industriya at iba pang aspeto, katulad ng edukasyon, kalikasan, kalusugan, at ugnayang pangmamamayan.

Pinagtibay rin nina Marcos at Wong ang kanilang bilateral relations sa gitna ng pandaigdigang tunggalian at ang kanilang iisang layunin para sa isang mas matatag at nagkakaisang Association of Southeast Asian Nations (ASEAN).

Ukol sa mga pagpupulong sa mga nangungunang kompanya at mamumuhunan, “I [Marcos] underscored the Philippines’ commitment to accelerating digital transformation, strengthening critical infrastructure, and expanding access to quality healthcare.”

Kabilang sa mga kompanyang ito ang Singtel Group at ABC Impact, kung saan tinalakay ang kanilang patuloy na pamumuhunan at mga planong pagpapalawak ng kanilang operasyon sa Pilipinas.

“Singtel reaffirmed its long-term commitment to the country through the expansion of NCS Philippines and the continued development of ST Telemedia Global Data Centres’ facilities, strengthening the Philippines’ digital infrastructure and AI capabilities,” ulat ni Pres. Marcos.

Para naman sa ABC Impact, “they reaffirmed its support for AC Health’s nationwide expansion, which is expected to improve access to quality healthcare services while creating thousands of jobs for Filipinos.”

Sa kabuuan, inihayag ni Pres. Marcos na ipinakikita ng kaniyang pagbisita ang ‘enduring strength of Philippines-Singapore relations, our shared commitment to ASEAN Centrality, and the Philippines’ readiness to serve as a reliable partner in driving growth and innovation across the region.’

“The Philippine delegation and I are grateful to the Government and people of Singapore for their always warm hospitality and I look forward to engaging with the Prime Minister at the 49th A.S.E.A.N. Summit and Related Summits later this year,” dagdag niya.